Add Your Heading Text Here
Kia jaro –
denove! Dankon pro la malfermo. Pardonu, ke ĉi tio estas tute pri ni. Ni esperas tamen, ke vi kaj viaj feste
anticipas la novan jaron, nekredeble 2023.
Preskaŭ kvarono de la 21-a jarcento jam preterpasis! Ĉu vi ankoraŭ memoras kiom da kovimaj
injektoj, da britaj ĉefministroj, da Putinaj bomboj oni jam suferis lastatempe?
Samkiel en 2021
ni bonŝance ĝuis mallongan somerferion familian, ĉifoje en la graflando Down,
en ĝia marborda feria urbo, Newcastle.
Akompanis nin denove niaj mezaĝaj filoj, Kevino kaj Davido (ambaŭ
senpartneraj). Ni ĉiuj vojaĝis per la
aŭto de Davido. Ni loĝis en luita feria
dometo, renovigita por la feria
merkato. Por ni la ĉefa surprizo temis pri
la situo de la ĉambroj. Dormĉambroj kaj
necesejo estis teretaĝe, ĉio alia supre.
Neniu tradicia domo havis tian aranĝon!
Dum jaroj niaj propraj domoj havis nek stuparon nek duajn etaĝojn. Tiu dometo estis abrupta averto al Johano, ke
nuntempe ekmankas al li memfido sur ŝtuparo.
Ni vizitis lokojn, kiujn ni ne vidis ekde kiam ni loĝis en la norda
parto de tiu graflando ‘Down’, t.e. dum du jaroj en la malfruaj 1960-oj. Kompreneble la filoj estis tro junaj tiam por
memori tiun periodon. Supre estas foto
de unu el la pentraĵoj, kiujn Kris kreis poste en la aŭtuno. Supre ne estas foto, tamen Kris ja uzis
fotojn por informi ŝi. Ĝi festis do
kunecon, kiun ni memoras dankeme. Jes,
jen Davido pripensas la belan scenon apud li.
Pro la fakto ke
Johano ankoraŭ ne re-ricevis permesilon por veturigado, ni ne vojaĝas nuntempe
longe for de la butikoj kaj u3a-centro en Carrick, de Whiteabbey kie Davido
loĝas (15 km), kaj la kvakerejo en Belfasto mem. Davido mem restas nun en sufiĉe malaltsalajra
kontada posteno. Oni ne laboru por
ne-komerca entrepreno! Tamen li estas
pagata de la organizo mem, ne de komerca ‘peranta’ firmao. Do li akiras malgrandan pension por la unua
fojo post multaj jaroj kaj ankaŭ akiras publikajn feriojn ‘senkoste’. Li laboras hejme du tri tagojn semajne. Li ĝuas siajn dancvesperojn kun sia regula
partnero Carol. Ni ĉiuj admiras liajn
ritmajn lertojn.
Kevino restas en
la komputada servo ĉe Universitato Kingston iom ekster Londono. Li
laboras hejme eĉ pli ol Davido.
Nekonata mondo por ni. Li
partoprenas en mallonga videa team-renkontiĝo ĉiumatene. Li silente esperas emeritiĝi post tri kvar
jaroj. Li jam vizitis diversajn landojn
en ĉiuj kontinentoj, sed ĝis nun ne elserĉis Esperantajn kontaktojn. Li ankaŭ studas la hispanan – do ‘lingvo-pupo’
sube. Samkiel multaj aliaj ni daŭrigas
niajn videajn renkontiĝojn per Zoom, do ni ‘vidas’ kune ambaŭ filojn pli ofte
ol antaŭ la pandemio.
Ho ve, nia
parteto de la mondo ‘Nord-Irlando’ restas en politika kaoso – dank al la
‘Brit-eliro’. Oni ignoris, ke ni ne
estas parto de Britio, sed parto de la ‘Unuigita Reĝlando de Britio kaj
Nord-Irlando’. Por ni la postkodo –
‘GB’, Olimpia teamnomo ‘Team GB’, ktp estas insultoj. Por Esperantaj ekskursoj ni atingis post
kovimo nur Dublinon. Ni revas pri la
populara printempa renkontiĝo ĉe Les Issambres, apud Nice. Ni jam partoprenis kvarfoje. Ĉifoje estos sesioj temas pri
literaturo. Tio interesus al
Johano. Tamen la longa vojaĝo per
aviadilo kaj busoj ktp nervozigas nin.
Ni ankaŭ eble baldaŭ ĉesos vojaĝi loĝaŭte.
Ambaŭ niaj britaj
pasportoj bezonis ĝisdatigon ĉijare. La
brita petilo demandis ĉu ni posedis pasportojn por alia lando. Ni respondis jese. Tiam ni malkovris postulon kunsendi niajn
‘fremdajn’ pasportojn kun niaj britaj al la brita pasporta servo. Spite prokraston pro kovimo Kris ricevis
ambaŭ siajn pasportojn finfine. Post pli
da tempo Johano ricevis skribitan instrukcion de pasporta oficisto en norda
Anglio. Por akiri novan britan pasporton
Johano devus aranĝi, ke la Irlanda servo aldonu trian personan nomon al la
Irlanda pasporto. Johano konsideris tion
insulto. Lia Irlanda pasporto ja montris
tri personajn nomojn en la subskribo, tamen nur havas du presitajn. Ĉar la Irlanda pasporta servo restas kontenta
kaj Johano jam prefere uzis tiun pasporton, la postulo de la brita pasporta
servo ŝajnis al li iom ‘imperialisma’ – por uzi ĝentila vorto. Per la Irlandaj pasportoj ni restas
EU-civitanoj, ni povas voĉdoni ĉi tie en lokaj balotadoj ktp. Johano decidis forgesi pri nova Brita pasposto.
Bedaŭrinde neniuj
ovoj en la birdaj lignaj nest-skatoloj ĉijare.
La u3a-aj grupoj denove rajtas – post kovimo – renkontiĝi denove en la
u3a-a Centro. Kris ĝuas la francan kaj artajn
grupojn, Johano tiun por la gaela lingvo, kvankam lia progreso estas ja
malrapida. Ni ambaŭ ankaŭ uzas ĉiutage
la usonlingvan apon ‘Duolingo’ por akiri ‘poentojn’. Ĝi honeste uzas la usonan flagon por indiki
la ‘anglan’ lingvon. Ĝi estas tre
populara ĉie tra la mondo, speciale en SudAmeriko. Ĝia ‘angla’ ne estas la lingvo kiun ni konas.
Iam ĝi akiros propran nomon. Intertempe,
ne estas surprize, ke Putin sentas sin sufokita. Multaj poloj kaj aliaj slavlingvanoj nun ne
memoras la relative lastatempan superregon de la rusa lingvo en siaj
landoj. Tamen Putin volas nun rehavi
tion – inter aliaj aferoj.
Pentrado ankoraŭ
allogas Kris, hejme kaj en la u3a-aj artgrupoj.
Ŝi ‘ekspluatas’ la konsilojn de la grupgvidantoj kaj samgrupanoj,
kvankam ŝi plene kaj kontentige uzas oportunojn hejme. Komence de ĉi tiu letero aperas foto de unu
el la pentraĵoj kiujn ŝi kreis post la somerferio. Kris kutime uzas akrilaĵojn, kelkfoje
akvarelojn, lastatempojn oleojn, kie ŝi komenciĝis junaĝe! Kiel vi vidas, ŝi preferas realismon. Feliĉan sanan jaron al vi kaj viaj!