Aŭtoroj de originala literaturo en Esperanto
En utila retejo Sten Johannson kompilis la nomojn de 430 personoj (plus kvindeko da plumnomoj), verkintoj de la romanoj, novelaroj, poemaroj kaj dramoj en Esperanto. Al la listo estas ligitaj dosieroj kun informoj pri la vivo kaj verkoj de la aŭtoroj. Por atingi la detalojn, oni alklakas la nomojn substrekitajn. La informoj estas ĉerpitaj el pluraj fontoj, kiuj estas ankaŭ indikitaj.
La kompilinto petas komentojn, kompletigojn, kritikon kaj korektojn pri la listo per reta respondo.
